Buwan ng Wika - Ang Vinta

Ang vinta, na kilala rin bilang lepa-lepa at sakayan, ay isang uri ng sasakyang pandagat na karaniwang ginagawa at ginagamit ng mga Badjao at ng mga Moro tulad ng Tausug. Ang makukulay na banderitas nito na umiindayog sa dagat ng Sulu ay sumisimbolo sa ganap na mayaman na kultura at kasaysayan hindi lamang ng mga kapuluan sa Sulu, kundi pati rin ng Pilipinas. Kaya naman ito ang naging inspirasyon ng isa sa mga pananamit ng UP Manila Chorale noong sila’y magtanghal sa Marktoberdorf, Germany noong Ad Maiora 2013 tour.