Ninoy Aquino Day

Sa araw na ito, ipinagdiriwang natin ang buhay ng isang itinuturing na bayani ng demokrasyang Pilipino: si Benigno "Ninoy" Aquino, Jr. Bilang isang senador, nilabanan niya nang buong tapang ang pagmamalabis sa kapangyarihan ng administrasyon ng panahong iyon. Tumulong siya na mag-alab ang damdaming makabayan sa Pilipinas sa pamamagitan ng pagbatikos sa umiiral na diktaturya. Sa kanyang marubdob na pagnanais na magkaroon ng demokrasya ang Pilipinas, handa niyang ibinuwis ng kanyang buhay. Sa kanyang kamatayan, nagkaroon ng pagkakaisa ang bayan na ipaglaban ang demokrasya at idinaos ang People Power Revolution na naghudyat ng pagtatapos ng rehimen ng diktaturya. (Photo credits to Ken and Lupita Kashiwahara)